Tuesday, January 22, 2008

யாவருக்கும் ஒரு வேதாகமம் கொடுப்பது நல்லது. வேதாகமத்தை வைத்திருப்பது எல்லோராலும் செய்யக்கூடியது.

எந்த மதத்தினராயினும் அவர்களுக்கு உதவக்கூடிய ஒன்றாக காணப்படுவது கிறிஸ்தவ வேதாகமமாகும். உண்மையில் எல்லா மதத்தினையும் மதிக்கின்றவர்களுக்கு இது உண்மையில் கடினமானதல்ல. காரணம் வேதாகமமானது எல்லாவித மந்திர வாத சக்திகளுக்கும் அப்பாற் பட்ட ஒன்று. அதே வேளையில் எவ்வித தீய தாக்கத்தையும் எந்த ஒரு நபருக்கும் ஏற்படுத்தாது என்பேனாகில் அது சரியானதே.

காரணம் எல்லாவித சக்திகளுக்கும் மேம்பட்டது இந்த வேதாகமம். இதில் தேவனுடைய வார்த்தைகள் உள்ளன. இந்த தேவன் மனிதன் மேல் வைத்த அன்பினால் இவ்விதமாக தமது வார்த்தைகளை மனிதனுக்கு கூறினார். முற்றுமாக நடந்து முடிந்தவற்றை மாத்திரம் இந்த வேதாகமத்தில் கூறிடவில்லை. மாறாக இனி நடக்கப்போகின்றவைகளையும் கூறியுள்ளார்.


சாதாரணமாக மனிதன் நினைப்பது எல்லா மதங்களையும் போலவே கிறிஸ்தவமும் சாதாரணமாக மனிதன் உருவாக்கி வைத்து அதன் வழிவந்த ஒரு் மதம் என்பதைப் போலவே. ஆனால் அதுவல்ல. வல்ல தேவன் தமது வார்த்தைகளை மனிதனுக்கு நேருக்கு நேராக வெளிப்படுத்தி அவனோடு நெருங்கிய உறவால் அவனை வழிநடத்தி வந்துள்ளார். இன்னும் கூட தேவனைத் தேடி அவரது கட்டளைக்கு கீழ்ப்படிவோருக்கு அவர் தமது கட்டளைகளை நேரடியாகவோ அல்லது ஏற்கனவே கூறப்பட்ட அவரது இந்த வேதாகமத்தின் மூலமாய் ஒரு வசனத்தினூடாகவோ வெளிப்படுத்துகின்றார்.


வேதாகமத்தில் அவரரது வார்த்தைகள் இன்றும் மனிதனுக்கு பேசத்தக்க ஜீவனுள்ள வார்த்தைகள். அது மனிதனின் உள்ளத்தை கிழிக்கக்ககூடிய இரு புறமும் கருக்குள்ள ஜீவ வார்த்தைகள். அவரது உன்னதத்தை வெளிப்படுத்தும் வார்த்தைகள். அவரது அநாதி சிநேகத்தையும் அவரது பராக்கிரமத்தையும் வெளிப்படுத்தும் வார்த்தைகளை கொண்ட புத்தகம். ஒரு போதும் அவரது இந்த வார்த்தைகள் நிலைபெயராது. அழிந்து போகாது.


உண்மையிலேயே இந்த செந்தமிழில் வேதாகமம் மொழிபெயர்க்கப்பட்டுள்ளது தமிழ் உள்ளங்களுக்கு உன்னத வாய்ப்பாகும். பண்டைய தமிழில் வேதாகமம் காணப்படுவது எவ்வளது நல்லதொரு சந்தர்ப்பம். தூய தமிழ் மொழியிலும் வேதாகமம் கிடைத்திருப்பது எத்தனை ஆச்சரியமான காரியம். ஆகவே வேதாகமமானது தமிழில் உள்ளதால் தமிழர்களுக்கு இது நல்ல சந்தர்ப்பம். ஏறக்குறைய 2000 மொழிகளுக்கு அதிகமாக வேதாகமம் காணப்படுகின்றது. அதில் தமிழுக்கும் மொழிபெயர்க்கப்பட்டுள்ளது.


இதை செய்வதற்கும் இந்த தமிழ் மொழியிலும் வேதாகமத்தை கொண்டுவருவதற்கு தேவன் உதவி செய்திருக்கிறார் என்றால் தேவன் தமிழர்களையும் நேசிக்கிறார் என்று தமிழர்களால் உணர்ந்து கொள்ள முடியாதோ?

No comments: