Friday, February 15, 2008

மிக நீண்ட தூர பயணம்

"நீ செல்ல வேண்டிய பாதை வெகு தூரம்"

பாதை முடிவடைவதில்லை. ஆயினும் பாதைகள் சிறிதாகத்தான் தெரிகின்றன. பாதையில் ஆரம்பம் முடிவு என்று சிலவேளை காட்டலாம். ஆயினும் வாழ்க்கை பாதையை ஆராயும் போது அதன் ஆரம்பம் எங்கு என்றும் முடிவு எங்கு என்றும் ஆராய முடியாது என்பதே உண்மை.

எனது பாதை மிக தூரமுள்ளதாய் இருக்கலாம். அல்லது மிகவும் குறுகியதாயும் இருக்கலாம். ஆயினும் எனது வாழ்வின் இறுதி நிலை பற்றி ஏற்கனவே அறிந்து கொண்டு இருப்பதால் எந்த பயமும் ஏற்பட போவதில்லை. மொத்தத்தில் வாழ்வின் அஸ்திபாரம் எங்கு உள்ளது என்பது அவசியம் ஆராயப்பட வேண்டியது. என்றாலும் அறியாமை எனும் இருள் மறைக்கின்ற உள்ளங்கள் ஒரு போதும் எதிர்காலத்தை அறிய முடியாது.

எனக்கு ஏற்படுத்தப்பட்ட பாதையில் நான் செல்கின்ற போது அதன் முடிவு குறித்து எனக்கு எவ்வித சந்தேகமும் ஏற்பட வாய்ப்பில்லை. ஏனெனில் எனக்கு எனது பாதை சிறப்பாக ஏற்கனவே ஏற்படுத்தப்பட்டுள்ளதால் நான் அதைக் குறித்து கலங்க வேண்டியதில்லை.
ஏனெனில் எனது பாதை ஏற்கனவே வரையப்பட்டுள்ளது. அப்பாதை முழுமையாக எனக்கு தெரியாத போதும் அதன் தற்போதைய நிலைமை மாத்திரம் நான் அறியக்கூடியது தெரிகிறது.
இந்த சிறிய இடைவெளி சரியான விதத்தில் நிரப்பப்படுகின்றதா என ஆராய வேண்டியது தனிப்பட்ட விதத்தில் ஆராயப்பட வேண்டியது அவசியம். ஆக நேரான பாதை என்பது எங்களது பாதையாக வேண்டும் என்பதே என் கருத்து

No comments: