Saturday, November 22, 2008

மன்னாதி மன்னரின் செய்தி

யார் இவர்? அவரது செய்தியா?

ஆம், உலகினை படைத்தவர் தந்த செய்தி. அவர் மன்னராக வரப்போகிறவர்.

எப்போது மன்னர் ஆக வரப்போகிறார்?

சீக்கிரம் அவரது வருகை சீக்கிரம்.

இதுவா செய்தி, அதற்கு நான் என்ன செய்ய வேண்டும்? அவரை வரவேற்க நான் என்ன செய்ய வேண்டும்?

ஆம் நீ செய்ய வேண்டிய முக்கிய காரியம் இருக்கின்றது. நீ அவரை உன் தெய்வமாக ஏற்றுக் கொள்ள வேண்டும்.

ஆனால் காணாத ஒருவரை எவ்வாறு தெய்வமாகக் கொள்ள முடியும்?

அவரை காண முடியாதவர்களாய் நாம் இருக்கலாம். ஆனால் அவரது கண்கள் எங்களை நோக்கிக் கொண்டிருக்கிறது.

அப்படியானால் அவரே எங்களுக்கு அந்த செய்தியை அறிவித்தால்?

ஆம் அவர் தனது செய்தியை ஏற்கனவே உலகிற்கு அறிவித்து விட்டார். அந்த செய்தியை புத்தக வடிவிலும் தந்திருக்கிறார்.

புத்தக வடிவிலா? நான் அதை வாசிக்க முடியுமா?

ஆம் பரிசுத்த வேதாகமம் என்பது அப்புத்தகமாகும். அதனை வாசித்தால் எல்லாம் புரியும்.

ஆனால் இந்த புத்தகம் பல மாறுதல்களுக்குட்பட்டுள்ளதே?

இல்லை. இதன் ஒரு எழுத்தாகிலும் எழுத்தின் உறுப்பாகிலும் மாற்றப்படவில்லை.

தெளிவாக கூறுங்கள்?

வானமும் பூமியும் ஒழிந்து போனாலும் இந்த வேதாகமத்தில் உள்ள தீர்க்கதரிசன வசனங்கள் நிறைவேறும் வரைக்கும் இதனை ஒருவராலும் மாற்றவோ அழிக்கவோ முடியாது.

இந்த புத்தகத்தை ஏற்றுக் கொள்ள முடியுமா?

ஆம் நிச்சயமாக ஏற்றுக் கொள்ள வேண்டும்.

ஏற்றுக் கொள்ளவிட்டால்?

அநேக சத்தியங்களை அறிய முடியாது போய்விடும். இறுதி காலத்தில் இயேசு மன்னராக வரும்போது கிறிஸ்தவர்களை குற்றஞ்சாட்ட நேரிடும்.

முக்கியமாக எதனை வாசிப்பது?

புதிய ஏற்பாட்டின் நான்கு சுவிசேஷங்களை முதலில் வாசிக்க தொடங்கலாம். அங்கு கிறிஸ்துவின் போதனைகள் நேரிடையாக தரப்பட்டுள்ளது.

உலக இறுதிகாலத்தில் நடைபெறும் சம்பவங்கள் எழுதப்பட்டுள்ளதா?

ஆம், நிறையவே உள்ளது. பழைய ஏற்பாட்டிலும் உள்ளது. புதிய ஏற்பாட்டிலும் உள்ளது.

எந்த எந்த புத்தகங்களில் அதிகமாக உள்ளது?

புதிய ஏற்பாட்டின் வெளிப்படுத்தல் புத்தகம், பழைய ஏற்பாட்டில் ஏசாயா, எசேக்கியேல், தானியேல் புத்தகங்கள் மற்றும் சுவிசேஷ புத்தகங்களிலும் உள்ளது.

இவைகள் ஒன்றுக் கொன்று முரண்படுகின்றனவா?

இல்லவே இல்லை. பரிசுத்த வேதாகமத்தின் 66 புத்தகங்களும் 40ற்கு அதிகமானவர்களால் எழுதப்பட்டாலும், உண்மையான ஆசிரியர் பரிசுத்த ஆவியானவரான கர்த்தராக இருப்பதால் அவைகளில் முரண்பாடுகள் இல்லை.

பரிசுத்த ஆவியானவரின் செயல் பாடு பற்றி?

பரிசுத்த ஆவியானவர் பரிசுத்த வேதாகமத்தின் மறைவான ஆசிரியர். அதுபோல தற்போது பரிசுத்த வேதாகமத்தை வாசிக்கும் போது விளங்கிக் கொள்வதற்கு அவர் உதவி செய்கிறார்.

எப்படியான உதவியை பரிசுத்த ஆவியானவர் செய்கிறார்?

நாம் பரிசுத்த வேதாகமத்தை விளங்கிக் கொள்வதற்கு, எமது பாவங்களை அறிக்கையிடுவதற்கு, எங்களில் புதிய மாற்றத்தை ஏற்படுத்துவதற்கு இன்னும் நியாயந்தீர்ப்பதற்கு, பாவங்களை உணர்த்துவதற்கு,

கிறிஸ்தவரல்லாதவர்களுக்கு பரிசுத்த ஆவியானவர் உதவி செய்ய முடியுமா?

ஆம், கிறிஸ்துவை ஏற்றுக் கொள்வதற்கு அவர் உதவி செய்வார். பரிசுத்த வேதாகமத்தை விளங்கிக் கொள்ள உதவி செய்வார்.

பரிசுத்த வேதாகமத்தை எதிர்த்தால் நடைபெறுவது என்ன? மன்னிப்பை வேண்டினால்?

இறுதி கால நியாயத்தீர்ப்பில் அதற்கான பலனை அனுபவிக்க நேரிடும். மன்னிப்பையும் தரக்கூடியவர். மன்னிப்பார்.

No comments: